Pananalangin Gamit ang Isipan at Espiritu Ni Chris N. Braza Soul Care Ministry May mga tao ngayon na mas binibigyang-diin ang emosyon sa pananalangin, habang ang iba naman ay nakatuon lamang sa kaalaman at istruktura. Ngunit itinuturo ng Biblia na ang tunay na panalangin ay hindi lang emosyonal at hindi rin puro intelektuwal. Nais ng Diyos na magkasamang kumilos ang espiritu at ang pag-unawa. BRAZAAR Sa 1 Corinthians 14:15, sinabi ni Paul the Apostle : “Ako’y mananalangin sa espiritu, at ako’y mananalangin din sa pag-iisip.” Ipinapakita ng talatang ito ang balanseng larawan ng pananalangin ng Kristiyano. Pananalangin sa Espiritu Ang manalangin sa espiritu ay ang pananalangin mula sa kaibuturan ng puso sa ilalim ng pagkilos ng Banal na Espiritu. Ito ay buhay, taos-puso, at may malalim na kaugnayan sa Diyos. May mga pagkakataon na kulang ang salita upang maipahayag ang laman ng kaluluwa. May mga luha, pagdaing, pagsamba, at lubos na pagsuko sa harapan ng Panginoon. Itin...
